Жаңалықтарды Telegram арнамыздан оқыңыз!Талдықорған қалалық білім бөлімінің басшысы ұсталды. Оған жемқорлықты жасырғаны үшін қарамағындағы қызметкерлерден 280 млн теңге пара алды деген айып тағылып отыр. Күдікті сот үкімімен қамауға алынды. Бұл туралы Облыстық сыбайлас жемқорлыққа қарсы іс-қимыл департаменті мәлімдеді. Бейнежазбада пара берушінің де қолға түскені көрсетілген. Айта кетейін, осыған дейін білім бөлімінің бас есепшісі 1 млрд теңгеге жуық қаражатпен қашып бара жатқанда ұсталған еді. Осы іске қатысты оның екі орынбасары да күдікке ілінді. Қазір аталған дерек бойынша жан-жақты тергеп тексеру амалдары жүргізіліп жатыр.
Мақсат Жебегенов, Облыстық сыбайлас жемқорлыққа қарсы іс-қимыл департаментінің бастығы:
Бұл тұлға параны білім бөлімінде анықталған бюджет қаражатын жымқыру фактілерін жасыру мақсатында параны алған. Өз кезегінде пара берушілер білім бөлімінің басшысына пара бергені үшін де қылмыстық іс қозғалды.
Қуаныш Қанатұлы
