Жаңалықтарды Telegram арнамыздан оқыңыз!Оралда борышкерлерге су беру тоқтатылады. Бұдан былай коммуналдық қызмет ақысын төлемегендер судан ажыратылады. Өйткені тұтынушылардың қарызы 170 млн теңгеден асқан.
Тұрғындардың ішінде судың ақысын бірнеше жылдан бері төлемегендер де бар. Соның кесірінен «Батыс Су Арнасы» коммуналдық мекемесі техника мен басқа да жабдықтарды жаңарта алмай отыр. Көпқабатты үйлерде су көзі оңай ажыратылады. Ал жеке пәтердің суын кәріз жүйесі арқылы тоқтату үшін арнайы құрылғы сатып алынбақ.
Юлия Себелева, «Батыс Су Арнасы» коммуналдық қызмет мекемесінің заңгері:
Борышкерлермен осы күнге дейін келісуге тырыстық. Бірнеше рет ескерту бердік. Рейд жүргіздік. Бірақ нәтиже жоқ. Сондықтан барынша қатаң шаралар қолдану керек деп шештік. Бүгінде несие беру орталықтарымен де келісімшарт жасастық. Енді тұрғындардың өтелмеген коммуналдық берешегі болса, несие алуға кедергілер туындайды.
Ардақ Мұратқызы
