Жаңалықтарды Telegram арнамыздан оқыңыз!
Халық өз денсаулығына бей-жай қарайды. Инкубациялық кезең басталғанын біле тұра, тұрғындар ешқандай сақтық шараларын сақтамайды. Осылай деген Денсаулық сақтау министрінің орынбасары, елдің Бас санитариялық дәрігері Айжан Есмағамбетова елімізде коронавирусқа қарсы шектеулер алынып тасталған соң тұмау мен жедел респираторлы вирустық инфекция жұқтыру дерегі күрт өскен айтады. Мәселен, былтырмен салыстырғанда инфекцияға шалдыққандар саны 25 пайызға артқан. Науқастардың 65 пайызы бала.
Айжан Есмағамбетова, ҚР Денсаулық сақтау министрінің орынбасары, Бас мемлекеттік санитариялық дәрігері:
Балалар өткен 2-3 жылда онлайн оқыған, ол да профилактикалық шара болған. Ал қазіргі кезде барлық бала оффлайн режимде оқиды. Сондықтан инфекцияның таралу жолы үлкейді. Тұмаудың өсуі байқалып отыр. Тұмаудың осы эпидемиологиялдық кезеңдегі ерекшелігі тұмау өте ерте басталды.
Қазір елде коронавирусқа шалдыққандар саны көбейіп отыр. Өткен тәулікте 105 адам індет жұқтырған. Министрліктің ақпаратынша, қазір вирус жұқтырған 2 жарым мың адам ем алып, ауруханаларда 272 адам жатыр. 15 адамның жағдайы ауыр.
Асылбек Данияр
