Жаңалықтарды Telegram арнамыздан оқыңыз!Батыс Қазақстан облысында көктемде су тасқынынан зардап шеккен Шалғын ауылының тұрғындары жаңа үйлерге қоныстанды. Ауылда тұруға жарамсыз деп танылған 23 үйді салуға «Қазақстан халқына» қорынан 560 млн теңге бөлінді. Бұл ақшаға жаңа, кең және жылы баспана салынды.
Ауылда 40 үйде 200-ге жуық адам тұрады. Көктемде суға кеткен мектепке де жаңа ғимарат салынып жатыр. Қазір балалар ауыл клубында сабақ оқып жүр. Сондай-ақ Жәнібек ауданындағы Жақсыбай ауылында тасқын су қиратып кеткен 7 үйдің орнына да жаңа баспана салынып, тұрғындар қоныс тойын тойлады.
Сыдиық Мұхамедияров, Шалғын ауылының тұрғыны:
Үй салып беріп жатыр, 23 үй. Мынадай қымбат үйлерді өзің сала алмайсың. Рахмет, құрылыс басшыларына, жұмысшы жігіттерге - бәріне рахмет айтамыз.
