Астанада барлық 407 сайлау учаскесі талапқа сай дайындалды

Астанада барлық 407 сайлау учаскесі талапқа сай жабдықталып, саяси науқанға толық дайындалған. Учаскелерге 768 мыңнан астам сайлаушы тұрғылықты жері бойынша тіркелді. Қазір дауыс берушілерге арнайы шақырту хаттары жіберіліп жатыр.

Мәселен, Қазақстан темір жолы ғимаратында орналасқан №110 сайлау учаскесіне екі мыңнан аса азамат тіркелген. Сайлау комиссиясының өкілдері учаске алдағы президент сайлауына дайын дейді. Мүгедектігі бар дауыс берушілер де емін-еркін таңдау жасай алады.

Шарбат Мырзабаева, № 110 сайлау учаскесі төрағасының орынбасары:

Пандус, жеке кабина, ноутбук, аудионұсқаулық, трофорет, құлаққаппен қамтамасыз етілген. Сонымен қатар учаскемізде халықаралық байқаушылар, кандидаттардың сенімді өкілдері, БАҚ өкілдері үшін арнайы орын дайындалған.

Сәбит Әлдебай