Жаңалықтарды Telegram арнамыздан оқыңыз!«Sarap» эксперттік клубы алдағы президенттік сайлау тақырыбын талқылады. Жиынға саясаттанушылар мен қоғам белсенділері қатысты. Олар кезектен тыс президент сайлануының маңыздылығы, қазіргі сайлау науқанының негізгі тенденциялары тақырыбында пікір алмасты. Сондай-ақ, алдағы сайлауға азаматтардың белсенді қатысуының маңыздылығы атап өтті. Басқосу барысында Президент мандатын ұзақтығы 7 жылдық бір мерзіммен шектеу тақырыбы да талқыланды.
Ерлан Ахмеди, Қоғамдық саясат институтының бас сарапшысы:
Бүгінгі іс-шара алдағы сайлауға орай байланыстырылған. Сарапшылар өз пікірлерін айтуда. Ең бастысы бұл сайлауда егерде біз шынымен де саяси мәдениетімізді қалыптастыруды қаласақ, мақсат ретінде қойсақ, азаматтар белсенді болуы керек. Сайлауға барып, өз таңдауын жасап, бақылаушы болып, барлық кандидаттың бағдарламасымен танысып, осының арқасында біз жаңа саяси мәдениеті бар мемлекетке айналып, демократиялық құндылықтарға негізделген мемлекеттік жүйе құратын боламыз.
Азамат Бейбітұлы
