Жаңалықтарды Telegram арнамыздан оқыңыз!
Саяси реформалардың маңызды міндетінің бірі - саяси институттар арасында тепе-теңдік орнату. Мемлекеттік хатшы Хабар арнасындағы «Референдумға барамын» атты телемарафонда осылай деді.
Ерлан Қарин Конституциялық соттың атқаратын қызметін ерекше атап өтті. Оған кез келген азамат шағымдана алады және адам құқықтарына ие уәкілдің конституциялық статусы барын, ол қандай да бір мемлекеттік органға тәуелді болмайтынын айтты. Сондай-ақ, мемлекеттік хатшы референдум азаматтардың конституциялық құқықтарын қорғауды күшейтеді деді.
Ерлан Қарин, ҚР Мемлекеттік хатшысы:
Осының бәрі түптің түбінде неге бағытталған? Азаматтардың құқығын қорғаудың жаға конституциялық механизщмін қалыптастырады. Сондықтан бұл реформадан ең алдымен кім ұтады? Қарапайым адамдар қарапайым азаматтар ұтады. Конституциялық реформа – билік пен қоғам арасындағы диалогтың нәтижесі. Бұл бір күнде дайындалған жоқ.
