Жаңалықтарды Telegram арнамыздан оқыңыз!Бүгін, 28 мамырдан 29-на қараған түні - кәрі құрлықтың басты бәсекесі «Чемпиондар лигасының» финалдық ойыны өтеді. Ақтық сында англиялық «Ливерпульмен» испаниялық «Реал Мадрид» кубокқа таласады.
Финалдық бәсеке биыл «Стад-Де-Франс» стадионында өткелі отыр. Ал ойынға 40 жастағы француз төрешісі Клеман Тюрпен қазылық етпек.
Жартылай финалдық ойында Ливерпуль – Вильяреалдан айласын асырды. Ал Реал Мадрид – Манчестер Ситиді жеңген болатын. Еуропаның қос алыбы финалда осымен үшінші мәрте кездеспек. Төрт жыл бұрынғы текетіресте корольдік клуб - қызылдардан басым түскен еді.
Финалдық ойынды бүгін «Қазақстан» ұлттық арнасы және «Қазспорт» телеарнасынан, түнгі 1 де тікелей эфирде көре аласыздар.
