Жаңалықтарды Telegram арнамыздан оқыңыз!Алматыда тұрғын үйдің 8-ші қабатынан құлап кеткен бүлдіршін аман қалды. Қалалық қоғамдық денсаулық басқармасының мәліметінше, 4 жастағы қыз бала жедел жәрдем көлігімен ауруханаға жеткізілген. Дәрігерлер оған қосарланған жарақат деген диагноз қойды. Миы шайқалып, екі өкпесі жыртылған. Әсіресе, сол жақ өкпесі қатты зақымданған. Балаға шұғыл түрде операция жасалды. Науқас бес күн жансақтау бөлімінде жатып, кейін жағдайы жақсарған соң палатаға ауыстырылған. Денсаулығы жақсарған соң үйіне жіберілді.
Дінмұхамед Рузуддинов, қалалық балалар шұғыл медициналық жәрдем орталығы бас дәрігерінің орынбасары:
Қазіргі таңда баланың жағдайы жақсы. Ата-анасымен телефон арқылы хабарласып тұрамыз. Қазір бала үйінде. Жүгіріп жүр.
