Басты Жаңалықтар Қазақстан-Чехия үкіметаралық комиссиясының 11-отырысы өтті

Қазақстан-Чехия үкіметаралық комиссиясының 11-отырысы өтті

15.11.2021 13:00

Чехия Қазақстанмен барлық салада ынтымақты арттыруға ниетті. Прагада өткен Қазақстан-Чех үкіметаралық комиссиясының 11-отырысында тараптар екіжақты қарым-қатынасты дамыту жолдарын талқылады. Пандемияға қарамастан соңғы 9 айда қос елдің тауар айналымы 185 млн долларға жеткен. Басқосуда сенімді серіктестер экономика, машина жасау, ауыл шаруашылығы, денсаулық сақтау салаларында тәжірибе алмасу жайын қаузады. Шара аясында еліміздің азаматтық авиация академиясы мен Прага техникалық университеті ынтымақтастық туралы меморандумға қол қойды. Чехия кәсіпкерлері де Қазақстанда бірқатар инвестициялық жобаны жүзеге асыруды көздеп отыр.

Ян Зонненшайн, «Sonnenenergie» компаниясының бас директоры:
Біздің компания Қазақстанда жел, күн станцияларын дамытуға арналған үш жобаны жүзеге асыруға кірісті. Қарағанды, Алматы облыстарында күн сәулесінен энергия өндіретін станциялар салуды алдағы 2-3 жылда аяқтауды жоспарлап отырмыз.

Қайрат Төребаев, ҚР Сауда және интеграция министрінің орынбасары:
Қазір Қазақстанда энергияның баламалы көздері, құрылыс, қаржы қызметі басқа да салалалрда 100-ден астам чех компаниясы жұмыс істеп жатыр. Қазақстан 2060 жылға қарай көміртегінен арылуды мақсат етіп отыр. Чех технологиясының көмегімен бұл межені мерзімінен бұрын бағындыруға болады.

Нұрсұлу Қасым

Автор

Нұрсұлу Қасым

Бөлісу