Жаңалықтарды Telegram арнамыздан оқыңыз!LRT құрылыс ісі бойынша айыпталушылар 7 жылдан 11 жылға дейін бас бостандығынан айырылсын. Мемлекеттік айыптаушы Диас Янгалышов, соттан бәрін кінәлі деп танып, жаза мерзімін тағайындауды сұрады. Нұр-Сұлтанда атышулы LRT жобасын іске асыру кезінде қаржы жымқыру ісі бойынша сот тергеуі жалғасып жатыр. Сот былтырғы жылдың қазанында басталған еді. Бұған дейін 7 адамға айып тағылғаны хабарланды. Арасында бірқатар лауазымды тұлғалар бар. Күдіктілердің көпшілігі жобаға бөлінген қаржыны жеп қойды деп айыпталып отыр. LRT құрылысы жобасының бүгінгі құны 1,5 миллиард доллар.
Армангүл Тоқтамұрат
