Елордадағы көлік жуу орталықтарының бірінен өрт шықты. Салдарынан 13 автокөлік жанып кетті. Абырой болғанда нысандағы жұмысшылар мен көлік иелері дін аман. Өртті сөндіруге 9 техника мен жеке құрамның 15 қызметкері жұмылдырылды. 2 қабатты ғимаратты шарпыған қызыл жалын 11 сағатта әзер сөндірілді. Өрттің шығу себебі анықталып жатыр.
Сондай ақ Нұр-Сұлтандағы Медеу көшесінде орналасқан жатақханадан өрт шықты. 80 шаршы метрді құрайтын жеке үйдегі 20 бөлмені тұрғындар жалдап тұрады екен. Құтқарушылар келгенше тұрғындар өз бетімен қашып шыққан. Олар қазір туған-туыстарының үйін паналады. Қаза болғандар мен зардап шеккендер жоқ.
Ақниет Балтанова
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Елордада 13 автокөлік жанып кетті&mh_tags=Qazaqstan&mh_page=https://qazaqstan.tv/index.php/news/135605/)