Абай облысында бұланның кесірінен жүк көлігі жанып кетті

«Омбы-Майқапшағай» тас жолында бұланның кесірінен жол апаты болып, жүк көлігі түк қалмай жанып кетті. Оқиға Абай облысы Бесқарағай ауданының аумағында болды. Күре жолда «Toyota Corolla» көлігі кенеттен орман ішінен шыға келген бұланды қаққан сәтте қатарлас келе жатқан жүк көлігі апатқа ұшырамас үшін жалт бұрылғанда аударылып қалған. Артынша іле-шала өртенген. Жүргізушіні ауруханаға жеткізілді. Жабайы аңға соғылған жеңіл көлік те жарамсыз күйде. Жүргізушісі аман.