Елорда күніне Ұлттық академиялық кітапханада «Кітапхана түні» шарасы өтеді

 Елорда күніне орай Ұлттық академиялық кітапханада бүгін (4 шілде күні) «Астана – жоғары рухани мәдениет қаласы» атты атаумен «Кітапхана түні» өтеді.

Ұйымдастырушылардың айтуынша, Қазақстанның кітапхана және кітап ісін дамытуға бағытталған акция сағат 22:00- басталып, түнгі сағат 12-ге дейін жалғасады. «Кітапхана түніне ҚР Мәдениет және спорт министрі Арыстанбек Мұхамедиұлы, елорда зиялылары, оқырмандар, қала тұрғындары мен қонақтары қатысады», - деп хабарлады Ұлттық академиялық кітапхана баспасөз қызметі.

Сонымен қатар белгілі сазгер, ҚР-на Еңбек сіңірген мәдениет қайраткері Жалғас Кеңесовтің «Астана – әсем ән қала» шығармашылық кеші өтеді.