Астанада «Ұжымдық еңбек дауын шешу. Тәжірибелер мен болашағы» атты халықаралық ғылыми-тәжірибелік конференция өтеді

Конференцияға 18 елдің, халықаралық кәсіподақ конфедерацияларының, Халықаралық еңбек ұйымының, Жалпыға бірдей кәсіподақ конфедерациясы және Фридрих Эберт қорының басшылары мен өкілдері қатысады.

Конференция аясында баспасөз мәслихаты ұйымдастырылып, Қазақстан кәсіподақтар федерациясы мен Тәжікстан тәуелсіз кәсіподақтар федерациясы, Әзірбайжан кәсіподақтар конфедерациясы арасында меморандумға қол қою рәсімі өтеді.

Ал, осы жылдың 10 маусымында ҚР кәсіподақтар федерациясының съезі жоспарлануда. Жиында өткен 5 жыл қорытындысы мен келер 5 жылдық жоспар, оның ішінде жұмысшылардың құқын сақтау, әлеуметтік диалог құру үрдісін күшейту мәселелері талқыланбақ.

Айта кетейік, бір жыл бұрын «Кәсіби одақтар туралы» ҚР Заңы қабылданған.