Жұлдызшылар ауа райын қалай болжап отыр?

Биыл егіншілер мол өнім алудан үмітті. Синоптиктердің болжамынша, көктем, жаз айларында жауын-шашын мол болып, ылғалды ауа райы сақталады.

«Қазгидромет» орталығының мәліметінше, елдің барлық аймағына көктем кешірек келеді. Ал, жұлдызшы Назарбек Қожамсейіттің болжамына сенсек, көктемнің соңғы салқыны мамыр айының 7-9 аралығында болады.

«Кей жерде 19-25 сәуір күндері дауылды жел тұрады. Осы айдың аяғы  тағы салқындап, ылғал жиі түседі. Ал, Астанада мамыр айының 3, 4, 5 күндері  қар жауады. 26-28 мамыр күндері  кей жерлерде дауылды жел болады»,-дейді жұлдызшы.

Қазір ауа райының құбылып тұрғаны, диқаншы, малшы қауымды алаңдатып отыр. Сондықтан, жұлдызшы Назарбек байқастау керетігін айтады. «Былтыр мамырдың аяғы суық болады дегенмін. Соны тыңдамағандар, біраз малынан айырылып қалды»,-дейді ол.

Толығырақ «Таңшолпаннан» көріңіз.