Орталық Азияның қазіргі заманғы журналистика мектебіне байқау жарияланды

Бішкектегі ЕҚЫҰ және Неміс толқыны академиясы Орталық Азияның қазіргі заманғы журналистика мектебіне байқау жариялайды. Дәрістер 22 маусым-28 тамыз аралығында өтеді.

Мақсат – журналистер материалдарының сапасын көтеру, саясаткерлер назарын Орталық Азия елдерінің ауылдық жерлеріндегі өзекті мәселелерге аударту.

Байқауға қатысушылар компьютермен жұмыс істеудің базалық машықтарын және орыс тілін еркін меңгеруі тиіс.

Айта кетейік, іріктеуден өткен журналистерге 200 евро көлемінде стипендия тағайындалады.

Байқауға қатысуға өтінімдер 15 сәуірге дейін қабылданады.