Елімізде су нысандарын жаңартуға француз технологиялары тартылады

Елдегі су шаруашылығы нысандарын жаңартуға француз технологиялары енгізіледі. Қазақстан мен Франция гидротехникалық инфрақұрылымды жаңғырту бойынша пилоттық жобаны іске асырады. Жоба аясында кемінде екі бөгет пен бір суару каналы таңдалып, оларға француз технологиялары енгізіледі. Сонымен қатар қазақстандық инженерлер мен мамандарға оқыту семинарлары ұйымдастырылады. Жоба сәтті жүзеге асса, бұл тәжірибе еліміздегі басқа да су нысандарын жаңарту кезінде қолданылмақ.