Алматыда Исламдық қаржылық қызметтер жөнінде саммит өтеді

2015 жылдың 19-21 мамыр күндері Алматыда ТМД-да алғаш рет Исламдық қаржылық қызметтер жөніндегі кеңестің 12-ші саммиті өтеді, деп хабарлайды Ұлттық банктің баспасөз қызметі.

Былтырғы жылдың соңғы күні аталған шараны іске асыру туралы Ұлттық банк пен IFSB өзара түсіністік туралы меморандумға қол қойған.

IFSB саммитінде əлемде исламдық қаржыландыруды дамыту, мекемелер қызметін реттеу, тұрақтылықты қамтамасыз ету саласындағы өңірлік жəне ғаламдық ынтымақтастық пен оның əлеуетін өсіру мəселелері талқыланады. Алматы саммитіне 35 елден 300 делегат қатысады деп күтілуде.

Қазақстанда мұндай іс-шараны ұйымдастыру Алматыны ТМД-дағы жəне Орталық Азиядағы исламдық қаржы хабы ретінде орнықтыруға ықпал ететін болады.