Кәсіпкерлерге арналған реестр құрылды

Енді кәсіп ашу үшін қаптаған құжат қажет емес. Елде бизнес бастағысы келетіндерге арналған бірыңғай реестр құрылды. Онда дүкен, дәріхана, сұлулық салоны - жалпы кез келген бизнеске қандай лицензия керек екені көрсетілген. Business.rot.kz деп аталатын сайтқа кіріп, кәсіп түрін таңдасаңыз болды – толық ақпарат аласыз. Мысалы, наубайхана ашқыңыз келеді. Бірақ неден бастап, қандай құжат жинау керек екенін білмейсіз делік. Сайтқа кіріп, "наубайхана" деген бөлімді тауып алсаңыз жеткілікті. Бәрі кезең-кезеңімен жазылған, қажет лицензиялардың тізімі де көрсетілген. Өтінім бересіз. Ол екі апта ішінде дайын болады.

Бекболат Молдабеков, ҚР Ұлттық экономика вице-министрі:

Енді ешқайда барудың қажеті жоқ. Бір сайтта мысалы, кафе ресторан болсын, дәріхана болсын, қандай рұқсаттама, анықтама рұқсаттама - не керек болса да бәрін бір жерде жинап қойдық.