Саяхатшы Сапар Ысқақов тоғыз елде ЭКСПО-2017 көрмесі туралы таныстырылым өткізеді

Бүгін Астанада белгілі қазақстандық саяхатшы Сапар Ысқақовпен брифинг өтеді. Ол экспедицияға аттанбақшы, экспедиция барысында ЭКСПО-2017 Халықаралық көрмесіне қолдау көрсетуге арналған іс-шаралар өткізбекші.

Экспедиция 25 желтоқсанда бастау алып, Сауд Арабиясы - Оман - Комор аралдары - Сейшелл аралдары - Мадагаскар - Маврикий - Мальдива - Шри-Ланка - Индия бағыты бойынша өтпек. Өзінің саяхаты кезінде Сапар Ысқақов елшіліктердің, халықаралық және қоғамдық ұйымдардың өкілдерімен кездеседі деп жоспарлануда.