![«Айтыс» жинағы жарық көрді](https://cdn.qazaqstan.tv/old/articles/4/article_43988.jpg?w=928&h=522&format=jpg&resize=aspectfill&g=center)
Бүгін ҚР Ұлттық академиялық кітапханасында «Нұр Отан» партиясының қолдауымен «Қазақ өнерінің антологиясы» жобасы аясында жарық көрген қазақ айтысының 7 томдық кітабының тұсауы кесілді. Шара «Алтын домбыра» республикалық айтысына орайластырылып ұйымдастырылды, деп хабарлайды ҚазАқпарат.
Ақын Жүрсін Ерманның айтуынша, жинақтың басты ерекшелігі - бірінші рет қазақтың көне айтыстарынан бастап осы заманғы айтыстарға дейін барлығының басы қосылған.
«Жеті томдық шығармада ақындар туралы мәліметтер, түсіндірме сөздіктер бар. Сондай-ақ шетелдегі қандастарымыздың айтыстары еніп отыр. Оның ішінде «Қытайдағы қазақ ақындары» деген үлкен бөлім бар», - дейді ол.
Айта кетейік, «Қазақ өнерінің антологиясы» жобасы 25 том еңбекті құрайды. Бұл жоба бойынша биыл 7 том еңбек жарық көрсе, жалғасы алдағы жылдары шығарылмақ. Жоба авторы - мемлекет және қоғам қайраткері, филология ғылымдарының докторы, профессор Мырзатай Жолдасбеков.
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=«Айтыс» жинағы жарық көрді&mh_tags=Qazaqstan&mh_page=https://qazaqstan.tv/news/93672/)