Жаңалықтарды Telegram арнамыздан оқыңыз!«Азық-түлік келісімшарт корпорациясы» ҰК» АҚ 2014 жылғы 23 қазанда 2014 жылғы егіннен жемдік мақсаттар үшін 4 және 5 сыныпты бидайды сатып алуды бастады, деп хабарлайды strategy2050.kz.
«Бұл шешім өнімнің жалпы көлеміндегі жемдік астықтың үлесінің артуына ауа райы-климаттық жағдайлардың себепші болуымен байланысты. Тиісінше, бұл өндірушілерге астықты сатуды қиындатты», - делінген хабарламада.
Қабылданған шаралар ауыл шаруашылығы тауарларын өндірушілерге өз астығын сатуға және қажетті қаражаттарын алуға мүмкіндік береді.
Сонымен қатар, Азық-түлік келісімшарт корпорациясы 2 сыныпты арпаға және 3 сыныпты бидайға сатып алу бағасын өсірді.
