Риддер қаласында Дінмұхамед Қонаев мешіті бой көтерді (ФОТО)

Ұлық мереке Құрбан айт мерекесіне орай Риддер қаласында жаңа мешіт бой көтерді. 228 жыл бойы мешіт болмаған Риддер қаласында жаңа мешіт құрылысын кәсіпкерлер Елтай Арбиев пен інілері 2010 жылы бастаған болатын.

Мешіттің құрылысына өз үлестерін қосуға «ҚазЦинк» мекемесі мен жергілікті кәсіпкерлер де аянбады.

Мешіт ішінде бір мезгілде 500 адам намаз оқи алады. Діни рәсімдер өткізетін бөлмелері, дәрісхана, мешіт қызметкерлеріне арналған бөлмелер және астыңғы қабатында асхана ашылады. Құрылысты аяқтауға 70 миллионнан астам қаражат жұмсалған.

Жаңа ашылған мешітке Дінмұхамед Қонаевтың аты берілді. Өмірлік жолын осы қалада бастаған атамыздың жазғы қонақ үйі осы күнге дейін мешіт болып келді.

muftiyat.kz