Этножурналистика саласындағы «Шаңырақ» байқауына өтініштерді қабылдау басталады

Бүгін этножурналистика саласындағы «Шаңырақ» республикалық шығармашылық байқауына қатысуға өтініштерді қабылдау басталады.

Байқауға бірнеше бағыттағы номинациялар бойынша өтеді:

• Қазақстан қоғамындағы этносаралық келісімді нығайтуға бағытталған үздік мақалалар, теле-радиобағдарламалар;
• Қазақстандық патриотизмді нығайту жолындағы мемлекеттік рәміздердің рөлін жариялайтын үздік мақалалар, теле-радиобағдарламалар;
• Ұлттық мәдени орталықтар қызметін түсіндіру жөніндегі үздік мақалалар, теле-радиобағдарламалар;
• Қазақстан этностарының мәдениеті мен салт-дәстүрін дамытуға бағытталған үздік мақалалар, теле-радиобағдарламалар;
• Мемлекеттік тілдің рөлін көтеруге бағытталған үздік мақалалар,  теле-радиобағдарламалар.

Барлық жұмыс (мақалалар, теле-радиобағдарламалар) бұқаралық ақпарат құралдарында 2014 жылдың басынан бастап, 6 қазанынан бұрын жарияланған болуы керек.