Елбасы «Боржақты-Ерсай» жаңа теміржолының құрылысын іске қосты

Н. Назарбаев Маңғыстау облысының кәсіпкерлерімен және жұртшылық өкілдерімен кездесті. Бұл туралы Ақорданың баспасөз қызметі хабарлады.

Елбасы өз сөзінде облыстың орналасу аумағын тиімді пайдалануға бағытталған инфрақұрылымдық жобалардың жүзеге асырылуына назар аудара отырып, өңірдің оң сипатта дамып келе жатқандығына тоқталды.

Кездесуде Мемлекет басшысы ұзындығы 13,8 шақырым болатын «Боржақты-Ерсай» жаңа теміржолының құрылыс жоспарымен танысып, теміржол құрылысын бастауға рұқсат берді.