Қаланы бір түнде қар басып қалды

Иә, осылайша Павлодарды бір түнде ақ ұлпа басты. Қала көшелерін тазалауға 300-ге жуық техника шығарылғанымен 10-15 см дейін жауып қалған қарды тазалап үлгермей жатыр. Жол полициясы қала сыртына тек қана қысқы дөңгелегін ауыстырған көліктерді ғана жіберіп жатыр. Ауа температурасы әзірге +1 градустан төмендеген жоқ. Дегенмен еріген қар қатқаққа айналып, кейбір жол учаскелерін көктайғақ басты. Жел тұрып толассыз жауған қар соңы бұрқасынға айналады ма деген қауіп бар.