Елбасы АҚШ Конгресінің мүшелері Дэйна Рорабакер және Грегори Микспен кездесті

Мемлекет басшысы Нұрсұлтан Назарбаев АҚШ Конгресінің мүшелері Дэйна Рорабакер және Грегори Микспен кездесті.

Кездесу барысында Қазақстан-АҚШ қарым-қатынасының стратегиялық сипаты, сондай-ақ, сауда-экономикалық ынтымақтастықтың қарқынды дамуы атап өтілді. 

Сонымен қатар, тараптар күн тәртібіндегі халықаралық өзекті мәселелерді талқылады.

АҚШ конгресмендері Қазақстанның әлеуметтік-экономикалық жетістіктерін атай отырып, екі елдің арасындағы өзара тиімді серіктестік бұдан әрі нығая береді, деп үміттенетіндіктерін  жеткізді.

akorda.kz