Елорда мектептерінде тақырыптық сабақтар өтеді

1 қыркүйекте Астананың барлық білім мекемесінде Білім күніне арналған «Қазақстандық жол - 2050: бір мақсат, бір мүдде, бір болашақ» тақырыбында сабақтар өткізіледі.

1 және 2 қыркүйекте «Патриотизм мен ерлік, бейбітшілік пен келісім сабағы» тақырыбында сабақтар өтеді. Ұлттық ұланның Бас қолбасшылығы, тәрбие және әлеуметтік-құқықтық жұмыстар Бас басқармасының және Астана гарнизоны бөлімдерінің офицер тәрбиешілері бүгін №25, №35 орта мектептерінің және №72 мектеп гимназиясының, ал ертең №60 мектеп гимназиясының оқушыларымен кездеседі. Әскери қызметшілері патриотизм мен ата-бабаларымыздың ерлігі жайлы айтып, деректі фильмдер көрсетеді.