ТЖМ өңірлердегі бөлімшелерін жаңа техникамен қамтамасыз етті

Бүгін ҚР Төтенше жағдайлар министрі Владимир Божко аумақтық бөлімше басшыларына жаңа техника кілттерін табыс етті. Оның ішінде авариялық-құтқару, қар мен сазда жүретін, өрт сөндіру, медициналық-санитарлық көліктер бар. 

«Біз кез келген төтенше жағдайға дайын болу үшін қолдан келген бар мүмкіндікті жасап жатырмыз. Биыл қардың астында қалған 1,5 мың көлікті алып шықтық. Өрт сөндіру орталықтары да барлық қажетті техникамен жабдықталған. Олардың қатары әлі де толыға береді»,- министр.

Сонымен қатар, қалалық суда құтқару қызметіне қарда жүретін көліктің кілтін берсе, өрт сөндірушілерге бір тонна су, 60 литр көбіктендіргіш сыятын автомобиль табысталды.