«Kazsport Technology» компаниясы Қазақстанда доп шығаратын зауыт ашады

Жыл соңына дейiн Алматыда доп шығаратын зауыт салынады. Бұл туралы Орталық коммуникациялар қызметiнде өткен брифингте ҚР Спорт және дене шынықтыру iстерi агенттiгiнiң төрағасы Тастанбек Есентаев мәлiм еттi.

«Биыл қазақстандық «Kazsport Technology» компаниясы доп шығаратын зауыт ашады. Оған салынған жалпы инвестициялардың көлемi 130 миллион АҚШ долларын құрайды. Зауыт Алматы қаласында орналасады. Зауыт волейбол, баскетбол мен футболға арналған доптар шығарады», - деді агенттік төрағасы.

Тастанбек Есентаевтың айтуынша, Түркияның «Сальсано» компаниясымен бiрге Қазақстанда спорттық велосипедтердi шығару мәселесi, сонымен қатар, «Наргиз холдингпен» бiрге шаңғы жабдықтарын шығару жөнiнде келiсiм қарастырылуда.