Бүгін Қазақстанның басым бөлігінде күн ысиды

Жексенбі күні еліміздің басым бөлігінде күн ашық болады. Солтүстік және солтүстік-батыс аймақтарда ауа райының тұрақсыз сипаты сақталып, кей жерлерде күн күркіреп, жаңбыр жауады, деп хабарлады ҚазАқпарат.

Түнде Оңтүстік Қазақстан мен Жамбыл облыстарының кей жерлерінде желдің екпіні 15-20 м/с-қа жетеді. Қызылорда облысында күндіз желдің жылдамдығы 15-20 м/с-қа дейін күшейіп, шаңды дауыл көтеріледі. Ақтөбе облысында күн күркіреп, желдің жылдамдығы 15-20 м/с-қа дейін күшейеді. Ақмола, Қостанай облыстарының кей аймақтарында күн күркірейді. Солтүстік  Қазақстан мен Павлодар облыстарында тұман түседі деп күтілуде.

Маңғыстау, Ақтөбе және Қарағанды облыстарының кей жерлерінде аптап ыстық болады.