Жаңалықтарды Telegram арнамыздан оқыңыз!Астаналық «Барыс» пен швейцариялық «Давос» матчының уақыты белгілі болды. Бұл туралы «Барыс» хоккей клубының ресми сайты хабарлайды.
Швейцарияда оқу-жаттығу жиынында «Барыс» клубы жергілікті «Давос» командасымен екі жолдастық кездесу өткізеді. «Давос» командасы - Швейцарияның бірнеше дүркін чемпионы, «Шпенглер» кубогының 15 - дүркін жеңімпазы.
Бірінші ойын 31-ші шілде, Давос қаласында Астана уақыты бойынша сағат 00:00 басталады. Екінші кездесу 3-ші тамыз күні, Сурси қаласында өтеді. Ойынның басталу уақыты - 20:00.
Айта кетейік, «Барыс» Құрлықтық хоккей лигасының жаңа маусымындағы алғашқы ойынын 4 қыркүйек күні Астанада уфалық «Салават Юлаевпен» өткізеді.
Естеріңізге сала кетейік, «Барыс» ҚХЛ-2013/2014 қорытындысы бойынша жетінші орынға ие болды.
