Жаңалықтарды Telegram арнамыздан оқыңыз!Ресейдің «Радио «Россия» эфирінде 30 маусымнан бастап «Нұрсұлтан Назарбаев. Өмірбаян» атты жаңа радиохабар беріле бастады. Бұл - «Қазақстан» телерадиокорпорациясы және «Радио «Россияның» бірлескен жобасы.
Ресейлік радио эфирінен беріліп жатқан 25 сериялық радиоциклда Қазақстан көшбасшысының өмір жолы қарастырылған. Оның тұлғасы Қазақстанның XX-XXI ғасырлар тоғысындағы тарихқа шолу ретінде берілген. Радиоциклдың негізіне алынған Нұрсұлтан Назарбаев туралы өмірбаяндық кітаптың авторы - Қазақстан Республикасы Президент кеңсесінің басшысы, саясат ғылымдарының докторы, профессор Махмұд Қасымбеков.
Радиоцикл «Радио «Россияның» эфирінде бес апта бойы дүйсенбі-жұма аралығында Мәскеу уақыты бойынша 18:30-да беріліп отырады. Мәтінін оқитын КСРО Халық әртісі Василий Лановой. Қазақстандық тыңдармандар оны www.radiorus.ru. порталынан таба алады.
