Елордада «Астана кубогы» КТК фестивалі ұйымдастырылуда

Бүгін Астанада қала күніне орай Конгресс-холлда «Астана кубогы» екінші қазақстандық КТК фестивалі ұйымдастырылуда. Бұл туралы astana.kz сайтына Астана қаласының 16 жылдығына арналған мерекелік шараларды дайындау және өткізу жөніндегі ұйымдастыру комитетінің медиа-штабынан хабарлады. Фестиваль аясында «Сборная РУДН» (Мәскеу), «СОЮЗ»(Түмен), «Азия MIX» (Бішкек), «Қазақстанның жаңа құрамасы» (Астана), «Сборная Баку» (Әзірбайжан) командалары жарысқа түсіп, қала тұрғындары мен қонақтарына тамаша көңіл-күй сыйламақ.