Жаңалықтарды Telegram арнамыздан оқыңыз!Вашингтонда жартылай ауыр салмақта (79,4 келі) WBA тұжырымы бойынша суперчемпион Бейбіт Шүменов пен IBF тұжырымы бойынша Әлем чемпионы Бернард Хопкинс жұдырықтасты. Қазақстандық боксшы бұған дейін кәсіпқой бокста 14 рет жеңіске жетіп, біреуінде жеңілген. Ал америкалық боксшы спорттық карьерасында 54 кездесуде жеңіске жетіп, оның 32-ін мерзімінен бұрын аяқтаған.
DC Armory аренасында өткен жекпе-жектің қорытындысы бойынша төрешілердің біреуі 114-113 есебімен Бейбіт Шүменов басым болды деп бағалағанымен, қалған екі төреші 116-111 есебімен жеңісті америкалық боксшыға берді.
Бұл Бернард Хопкинстің кәсіпқой бокстағы 55-ші жеңісі болса, өз кезегінде Бейбіт Шүменов карьерасында екінші рет жеңілді және чемпиондық атағынан айырылды.
Айта кетейік, бұл жекпе-жекті «KAZsport» телеарнасы тікелей эфирде көрсетті.
