Қазақ халқының саны 1 жылда 252 мың адамға өсті - «Qazaqstan» Ұлттық телеарнасы

Қазақ халқының саны 1 жылда 252 мың адамға өсті

15.03.2014
Қазақ халқының саны 1 жылда 252 мың адамға өсті
Қазақстан халқы 1 жылда 252 мың адамға өсті. Бұл туралы ҚР Статистика агенттігінің басшысы Әлихан Смайылов мәлім етті.
 
«Биылғы жылдың 1 ақпанында еліміздегі халық саны 17 миллион 187 мың адамды құрады. Оның 55 пайызы - қалалықтар, ал 45 пайызы - ауылдықтар. 2013 жылдың 1 ақпанымен салыстырғанда, яғни 12 айдың ішінде халық саны 252 мың адамға немесе 1,5 пайызға өсті», - дейді ол.
 
Оның айтуынша, АХАТ органдарында дүние есігін ашқан 33 мың сәби тіркелген. Бұл көрсеткіш өткен жылдың қаңтар айымен салыстырғанда 6,9 пайызға кем.
 
«Қайтыс болғандар саны 12,2 мың адамды құрады немесе 2013 жылғы қаңтарға қарағанда 13,5 пайызға кеміді», - дейді Ә.Смайылов.

Хабарламаларға жазылу