Үкімет 2014 жылдың бюджетін мақұлдады

Бүгін Үкімет отырысында Министрлер кабинеті 2014 жылға нақтыланған бюджетті мақұлдады. 

 

Экономика және бюджеттік жоспарлау министрі Ерболат Досаевтың сөзіне қарағанда, Мемлекет басшысының тапсырмаларын уақтылы іске асыру мақсатында, макроэкономикалық көрсеткіштердің 2014 жылға нақтыланған болжамын есепке ала отырып, ағымдағы жылғы республикалық бюджеттің параметрлері айқындалды.

Нәтижесінде, 2014 жылға арналған республикалық бюджеттің түсімдері 6 206,1 миллиард теңге көлемінде немесе бекітілген бюджетпен (5 773,7 миллиард теңге) салыстырғанда 431,7 миллиард теңгеге өсумен белгіленді.

Республикалық бюджеттің кірістері (трансферттер түсімдерінсіз) бекітілген жоспардағы 4 029,4 миллиард теңгеге қарағанда, 331,7 миллиард теңгеге ұлғайтыла отырып нақтыланды және 4 360,9 миллиард теңгені құрайды.

Өз кезегінде Премьер-Министр Серік Ахметов осы құжат бүгін толық пысықталып, ертең бюджеттің нақтыланған жобасы Парламентке енгізілетінін атап өтті.