Жаңалықтарды Telegram арнамыздан оқыңыз!Әлеуметтанушы, PHD докторы Жанна Кәрімова – «Таңшолпанда» қонақта.
Жанна Кәрімова математика саласында жүрген әйелдердің рөлі туралы зерттеу еңбек жазды. Оның мақсаты – Қазақстан және Франция математик әйелдерінің тәжірибелерін әлеуметтік тұрғыдан зерттеу.
Айтуынша, Францияда атақты математикалық жоғары мектептегі әйелдердің үлесі - 5 пайыз. Ал Қазақстанда математиктердің арнайы мектебі жоқ. Бірақ, Қазақ Ұлттық университетінің физика-математика факультетіндегі әйелдердің үлесі - 40 пайыз. Қазақстанда осы саладағы ғылыми атағы бар әйелдердің саны 30 пайызды құрайды. Францияда да дәл осы көрсеткіш.
Сондай-ақ, еліміздегі математик әйелдердің әлеуметтік портретін алатын болсақ, тұрмыс құрған, кем дегенде екі баласы бар және жұбайлары жоғары оқу орнында сабақ береді. Ал Францияда жүргізілген сауалнама бойынша, көбі ажырасқан немесе жалғызілікті. Олар – отбасын құру, дүниеге бала әкелу мансапқа кедергі келтіреді, деп санайды.
«Математика қиын сала болғандықтан, қыздар көбіне қорқады. Сондықтан, оларды жастайынан өзіне сенімді етіп тәрбиелеу керек. Ұл баланы жастайынан көшбасшылыққа тәрбиелейтіндектен, математика саласында ерлер көп», дейді әлеуметтанушы.
