Басты Жаңалықтар «Classic» радиосы Астана қаласынан 102.7 әуетолқынында хабар таратады

«Classic» радиосы Астана қаласынан 102.7 әуетолқынында хабар таратады

14.02.2014 04:12

«Classic» радиосынан әр түрлі бағыттағы классикалық музыканы тыңдауға болады.

2012 жылдан бастап радиостанция өз тыңдармандарына музыкалық-білім беру бағытында жаңа бағдарламалар ұсына бастады.

Бүгінде 102.7 әуе толқынында 9 жоба жарыққа шықты: «Киноблюз», «ДжазТайм», «Диалог», «Опера әлемінің інжу-маржандары», «Музыкалық күнделік», «Музыкалық Одиссея», «Грани», «Рецензия», «Классикомания».

Былтыр қараша айында «Classic» радиосының «Классикомания» бағдарламасы «AIBs Inspiring Creativity Awards» Халықаралық Телерадио хабарларын тарату Ассоциациясы ұйымдастырған байқауда «Үздік шығармашылық радиобағдарлама» аталымы бойынша арнайы сыйлыққа ие болды.

«Classic» радиостанциясы «Қазақстан» республикалық телерадиокорпорациясы мен Құрманғазы атындағы Қазақ Ұлттық консерваториясының бірлескен жобасы. Жобаның идеялық авторы - Құрманғазы атындағы ҚҰК ректоры, Қазақстан Республикасының Халық әртісі Жәния Әубәкірова.

«Classic» радиосы – Алматы қаласынан алғаш рет 2011 жылдың 6 маусымынан бастап хабар тарата бастаған тұңғыш классикалық музыка радиостанциясы. Радиостанцияның негізгі бағыты - түрлі жанрлар мен ұлттық мектептердің академиялық музыкасын тарату. Алматы қаласындағы FM-жиілігі – 102.8.

«Қазақстан» РТРК» АҚ құрамына «Қазақстан» Ұлттық телеарнасы, «Балапан», «KAZsport», Қазақ радиосы, «Шалқар» Ұлттық арнасы, «Астана» және «Classic» радиолары кіреді.

Бөлісу