Жаңалықтарды Telegram арнамыздан оқыңыз!|
Жазушы Эрнест Төрехановтың жақында «Мәңгіліктен бір үзік» атты шығармасы шыққан еді. «Қазір «Егіздер» деген шартты аты бар роман жазып жатырмын. Осыны арқау ете отырып, қазіргі қоғамның бейнесін жасағым келеді»,-дейді жазушы.
Қазір ғаламтор, техникалық мүмкіндіктердің салтанат құрған заманында халықтың том-том романдарды оқуы қиындау. Бұл турасында жазушы: «Кітап өтпейді деген ұғымнан қоғамды арылтуымыз керек. Бұл – үлкен шаруа»,-дегенді айтады.
Мемлекеттік сыйлыққа ұсынылып жатқан ол: «Бәріміз пендеміз ғой, еңбегінің бағаланып жатқаны кімге де болсын жақсы. Шындығы сол»,-дейді.
«Негізі өзімді жарнамалауға онша жоқпын. Танымал жазушымын дей алмаймын. Себебі, қайда барсам да, кім екенімді ұзақ түсіндіруге тура келеді. Мұның негізгі кілті – кітаптың кітапханада жоқтығы. Сосын кітапханашылар дүкенге қандай кітап түсті, ол не туралы, соны жарнамалап отырмайды. Сосын халық та ол жазушыдан бейхабар. Сондықтан, жазушының статусын көтеру керек»,-дейді қаламгер.
|
