Ұстаздың мәртебесін көтеру керек

Мұғалім – тәрбие үлгісінің негізі болып табылады. Бұл туралы бүгін Білім және ғылым министрлігінің кеңейтілген отырысында айтылды. Халықаралық мұғалімдер күнінің қарсаңында «Педагоктың мәртебесін көтеру, кәсіби дәрежесін арттыруға ынталандыру және өскелең ұрпақ тәрбиелеудегі ұстаз рөлін күшейту» тақырыбында жиын өтті.

Отырысқа университет ректорлары, облыстық білім басқармаларының басшылары, республикалық колледждердің директорлары қатысты. Өзекті мәселелер арасында педагокты материалдық тұрғыда қамтамасыз ету, мұғалімнің бала тәрбиесіне қосқан үлесі, арнайы білім беруді кадрмен қамтамасыз ету жайлы сөз болды.