Басты Жаңалықтар Астанада «Қолжетімді баспана-2020» бойынша құжаттар қашан қабылданатыны хабарланды

Астанада «Қолжетімді баспана-2020» бойынша құжаттар қашан қабылданатыны хабарланды

31.01.2014 09:05

лордада 2014 жылдың ІІ тоқсанында «Қолжетімді баспана-2020» бағдарламасы бойынша жас отбасылардан құжат қабылдау жүргізіледі. Бұл туралы astana.kz сайтына қалалық Тұрғын үй басқармасы хабарлаған.

«Соңғы уақытта азаматтардан «Қолжетімді баспана-2020» бағдарламасы аясында жас отбасыларға тұрғын үй беруге қатысты сауалдар жиі келіп түседі. Осыған орай, Астана қаласында «Қолжетімді баспана-2020» бағдарламасы бойынша жас отбасылардан құжаттарды қабылдау үстіміздегі жылдың екінші тоқсанында жүргізілетінін хабарлаймыз»,- делінген хабарламада.

Тұрғын үй басқармасының хабарлауынша, қажетті құжаттар тізімі, оларды қабылдау орны мен мерзімі бұқаралық ақпарат құралдарында қосымша жарияланады.

Қазіргі уақытта Қазақстан Республикасы Өңірлік даму министрлігі аталған бағдарламаға өзгерістер енгізу жұмыстарын жүргізуде.

Бөлісу