Азиада: Жеңіл атлеттеріміз финалда

Жапониядағы ХХ жазғы Азия ойындары жалғасып жатыр. Бүгін жеңіл атлетикадан соңғы жүлделер жиынтығы сарапқа салынады. Отандастарымыз бүгін үш финалда өнер көрсетіп жатыр. Дәл қазір әріптесіміз Әсем Таңатар «Палома Мизухо» стадионынан тікелей эфирге қосылуға әзір тұр.

Бүгін жеңіл атлетикадан үш бірдей финалда отандастарымыз бақ сынап жатыр. Атап айтсақ, биіктікке секіруде Надежда Дубовицкая мен Кристина Овчинникова жүлдеге таласса, ерлер арасында бес мың метрге жарыста Максим Фроловский ел намысын қорғады. Сонымен қатар жаңа ғана қыздар арасында 400 метрге эстафета сайысы басталды. Бұл сында Аделина Земс, Мария Шувалова, Анна Шумило мен Александра Залюбовская бақ сынайды.