«Киев» телеарнасына шабуыл жасалды

Киевтің Крещатик көшесінде белгісіз біреулер «Киев» телеарнасының ғимаратын басып алды.  20-ға жуық адам телеарна студиясының кешеніне басып кіріп, құрал-жабдықтарды қирата бастаған, деп хабарлайды Азаттық. 

«Украина Медиа тобы» холдингі журналистерге өз кәсіби міндетін атқарып жүрген кезінде шабуыл жасалғанына, онымен қоса, 22 қаңтарда Донецкідегі «Донбасс» телеарнасының журналистеріне жасалған шабуылға наразылық білдірді.

Айта кетейік, Киевтегі билікке қарсы қақтығыстар бір аптадан бері жалғасуда.

Оппозиция жетекшілерінің бірі Арсений Яценюк президент Янукович 24 сағат ішінде елдегі қантөгісті тоқтатып, демонстранттардың басты талаптарын орындауы тиіс деп мәлімдеді.