Басты Жаңалықтар Қарағандыда футбол алаңы салынбақ

Қарағандыда футбол алаңы салынбақ

05.01.2014 06:55

Биыл Қарағандыда футбол алаңы мен суда жүзуге арналған орны бар дене шынықтыру-сауықтыру орталығы салынбақ.

Қарағанды қаласының бюджетінен 3 мың орындық футбол алаңы үшін 200 миллион теңге, ал дене шынықтыру-сауықтыру орталығының құрылысына 500 миллион теңге бөлінген.

Қарағанды облыстық Дене шынықтыру және спорт басқармасы басшысы Наталья Сухорукованың айтуынша, облыс орталығындағы «Голубые пруды» ықшам ауданында 32 гектар жер спорт қалашығы үшін бөлінген. Осы жерге жаңа спорт кешендері салынбақ.

Спорт басқармасының хабарлауынша, облыс бойынша 20 дене шынықтыру-сауықтыру орталығы және 60-қа жуық жүзу бассейні салыну қажет. Ал әзірге Балқаш, Ақтоғай, Нұра және Осакаров аудандарында салынатын төрт сауықтыру орнының жобасы дайындалуда.

Бөлісу