Алматыда урология ғылыми-зерттеу институты халықаралық Конгресс өткізді

Әлемнің ең мықты медицина майталмандары Алматыға жиналды. Ерлер денсаулығына арналған 8-ші халықаралық Конгресс қазақ жерінде тұңғыш рет ұйымдастырылып отыр. Жиынға 300-ге жуық адам қатысуда.

Ерлер арасындағы белсіздік, қазіргі таңда әлем елдерін алаңдатып отыр. Осы орайда, отандық мамандар еліміздің барлық облысында ерлер денсаулығы мен отбасылық ұзақ өмір орталықтарын ашты.

Үш күнге созылатын ғылыми конгресте отандық ғалымдар мен шетелдік мамандардың арасында, сан түрлі тақырыпта  сессиялар өткізіліп, пікірсайыстар ұйымдастырылады.

Айбар ТӨЛЖАНҰЛЫ