Басты Жаңалықтар Бір топ жүлдегер елге оралды

Бір топ жүлдегер елге оралды

28.09.2026 17:37

Азия ойындарының қола жүлдегерлері елордаға оралды. Астана әуежайында Жапонияның Айти және Нагоя қалаларында өтіп жатқан Азия ойындарында жүлде алған спортшыларымыз Эвелина Костенко мен Дмитрий Холмогоровты жақындары мен жанкүйерлері күтіп алды. Дмитрий Холмогоров байдаркадан 500 метр қашықтықтағы жарыста үшінші орынға ие болды. Ал Эвелина Костенко байдаркадан әйелдер арасындағы 500 метрлік төрттіктің құрамында қола медаль жеңіп алды.

Дмитрий Холмогоров, ХХ жазғы Азия ойындарының жүлдегері:

Мен жарысқа өте жақсы дайындықпен бардым. Қарсыластарымның да шамасын білдім. Жарыс жолына шыққан кезде бүйірден жел соғып, сәл ыңғайсыздық тудырды. Дегенмен бар жігерімді жұмсап жеңіс тұғырынан көрінуге тырыстым. Келесі жарыстарда бұдан да жақсы нәтиже көрсететініме сенімдімін.

Автор

Оңғар Алпысбайұлы

Бөлісу