Қызылорда облысында обаға шалдықты деген сәбиден дерттің белгілері анықталмады

Қызылорда облысы, Арал ауданы, Ақбасты елді мекеніне қарасты Құмсай ауылында 4 жасар бала обаға шалдықты, деген күдікпен ауруханаға жатқызылды.

Дәрігерлер сәбиді тексеру кезінде оның дене қызуы көтеріліп, сол жақ шабында түйін байқалған.

Бұл обаның белгілері болуы мүмкін, деген болжаммен аудандық эпидемиологтар тиісті сынамалар алған. Оның нәтижесі көрсеткендей, баланың қауіпті кеселден аман екені анықталды.

Гүлжан ҚАЛТАЙҚЫЗЫ