Әлем дәрігерлері елорданың Тәуелсіздік сарайына жиналды

Бүгін Астанада «Әлем дәрігерлері ядролық соғысты болдырмау үшін»  Халықаралық қозғалысының ХХI Бүкіләлемдік Конгресі  өтіп жатыр. Шартараптан келген дәрігерлер елорданың Тәуелсіздік сарайына жиналды.

47 елден келген ғалымдар, дәрігерлер пікір алмасып, ядролық бомбаның зардабын жою жайын талқылауда. Қонақтар түрлі секцияға бөлініп, алдын-ала бекітілген тақырыптар бойынша жұмыс жүргізуде.

Ең негізгі деген тақырыптар, ядролық бомбадан арылу, тек бейбіт мақсатта пайдалану және зардабымен бірігіп күресу. Әлем дәрігерлерінің кезекті конгресі Қазақстанда өткізілуі тегін емес. Біздің ел ядролық бомбадан ерікті түрде бас тартқан мемлекет ретінде көпке үлгі. Конгресс тамыздың 29-на дейін жалғасады.